G.E.M.扮傻唔理林宥嘉
鄧紫棋（G.E.M.）前晚為《勁歌金曲》錄影，G.E.M.是演唱會後首次公開露面，提到男友林宥嘉出新碟，她扮傻笑說：「我唔知喎！我唔係佢fans，冇follow佢啲嘢！」
G.E.M.、洪卓立、陳蕊蕊、洪卓立等到電視城為《勁歌金曲》錄影，開騷後休息長達三周的G.E.M.容光煥發，問到有否到台灣找林宥嘉？她說：「我頭嗰個星期病咗呀！可能因為食得太多日本烤肉，搞到喉嚨生咗四粒痱滋！（冇去旅行？）病咗冇得去。（佢嚟搵你？）我唔知佢得唔得閒喎！」提到林宥嘉早前出新碟，她即扮傻說：「我唔係佢fans，冇follow佢啲嘢喎！人哋有萬千觀眾，我呢啲好渺小！」
陳蕊蕊誇張露背
曾任「美味天使」的陳蕊蕊殺入樂壇，以一身露背誇張打扮到場。她說：「我鍾意試新鮮嘢，今次係走型格啲嘅路線，可能下次會性感啲！」但她否認抄襲Lady GaGa，澄清只是設計師為她度身設計。
馬浚偉打人情牌
另外，張可頤前晚亦到電視城為馬浚偉主持節目《大廚出馬》擔任嘉賓，馬浚偉笑言今次做主持大打人情牌，並透露已邀得佘詩曼任壓軸嘉賓。他說：「我都好耐冇同佢合作過啦，趁佢未返大陸拍劇，咪請佢上嚟做嘉賓。」馬浚偉又笑言要「還債」，稍後會為張可頤主持的《大凶兆》當嘉賓。
文：影視組