古天樂養好腳傷 趕打鬥
梁詠琪（GiGi）、古天樂及孫耀威昨晚出席「聯合國兒童基金香港委員會二十五周年誌慶酒會」，獲大班作民族打扮的小朋友送上紀念品，已為該會擔任11年大使的GiGi感慨時光飛逝：「嚟緊會幫佢哋去非洲拍特輯，會打針做足預防措施，好開心每次個特輯出街都籌到幾百萬。」
至於右腳十字韌帶斷裂的古天樂，昨日現身前特別去照磁力共振，下星期就有結果：「隻腳仲未好得番晒，企都企唔得好耐，依家盡量爭取時間休息。」他即將返內地拍電影《楊家將》，由於該戲涉及大量動作鏡頭，他希望盡快養好腳傷：「之後會做物理治療測試，睇吓康復程度去到邊，今次套戲會打得好犀利，唔想導演擔心！」