呂慧儀峰騷OL鬆裙凸圍
無綫藝人呂慧儀前晚為配合OL角色，以低V的性感裙出席首映活動，身形更明顯已回復Fit到爆，更着得落本來不太合適的裙子，十分風騷！
無綫女星呂慧儀、陳靜（DaDa）、趙彤、詹瑞文等出席電影《潮性辦公室》首映活動，全場最性感的是有料之人呂慧儀，雖然之前行泳衣騷時被指肥了不少，但沒有打擊其信心，她坦言現時已回復弗爆身段。
怕計事業線
露出又長又深事業線的呂慧儀，被問到是否知道現場多女仔，故才盡顯性感出風頭？她坦言：「唔係，因為角色係OL，但又唔鍾意着OL服，鍾意性感，都係配合番角色同尊重今次場合。不過之前太瘦，所以條裙有啲鬆，但係依家啱啱好。」問她其事業線有多深時，她笑言：「冇度喎！唔好計呢啲啦！好尷尬呀！我嘅身材已回復，但未敢上磅，都知道肥咗會冇嘢做，（冇事業線先冇嘢做！）咁我要努力嘞！」
迷倒詹瑞文
至於導演詹瑞文坦言該片是他首個執導的作品，既剪片又要配樂，更會配合每個角色凸顯演員最好一面，問他全場誰人最索時，他說：「呂慧儀脫穎而出！因為今日Dress Code係性感辦公室Look，原來佢係咁返工，好吸引！」他透露之後會開三部電影，但否認玩厭了舞台劇，他謂：「唔係，要接觸新平台。」
文：影視組