王羽中風馨平北上救駕
影星王羽上月底在珠海與友人飯聚時突然暈低，隨後被送院檢查，證實腦中風，嚇得女兒王馨平心急如焚，翌日急call救護車北上接父返港作詳細檢查，昨日王羽接受訪問時坦承早前在康城宣傳舟車勞頓，需要時間休養，即使有戲癮也不敢多想。
60年代武打巨星王羽，當年憑電影《獨臂刀》聲名大噪，已退隱影壇多年的他最近應陳可辛之邀出山參演電影《武俠》，年近70的王羽仍然寶刀未老，在片中演出相當精彩，上月中他還聯同片中演員甄子丹、湯唯、金城武等專程飛往康城為該片造勢。
否認肺癌
不過昨日本報接獲王羽中風入院消息，致電向他求證時，王羽聲線仍舊響亮，透露上月29日到珠海某酒店與友人飯聚，但未幾突然暈低，及後被送院治療，女兒王馨平獲悉後擔心不已，翌日即電召救護車北上接父親返港作詳細檢查。
談及現時病況，王羽聲言不用擔心：「只係輕微腦中風，個腦有血塊壓住咗。（有傳你個肺都黑晒有癌症喎。）冇事冇事，只係中風時令喉嚨肌肉收窄，有少少食物落唔到個胃，跌咗落肺度啫，咳番出嚟都冇事嘞！」
十醫會診
現時王羽已出院回家休養，醫生亦給他一些薄血藥，為求安心，今日他將飛返台灣，找來十多位醫生朋友再作一次更詳細檢查分析，兩位女兒亦會同行照顧。問到是否早前康城之行太攰所致？他直認不諱：「太攰嘞！真係要休息。（係咪唔接戲住？）唔得呀！等好番先啦。（有冇戲癮？）要睇導演囉，如果陳可辛就拍，不過佢監製嗰套《血滴子》就冇搵我。」王馨平昨日在電話說：「我爸爸的確之前入咗醫院，係有輕微症狀，依家已經冇事出咗院，多謝大家關心。」
而陳可辛昨日中午時分與太太吳君如現身機場，準備出發往上海電影節為新作《武俠》造勢。
文：影視組