陳鈺芸化身黑天鵝撐紫荊俠
樂壇新人陳鈺芸（JuJu）出身富裕之家，喜歡行善又身材出眾，令人猜測她就是近日在香港四出行善、身份神秘的「紫荊俠」。自小愛跳芭蕾舞的JuJu坦言非常欣賞紫荊俠的行為，故化身「黑天鵝」向對方致敬。
喬裝黑天鵝的JuJu向紫荊俠致敬，她說：「我自小信奉天主教，細細個已經探訪老人家同露宿者，喺外國讀大學時更加每個禮拜都做探訪。我都有留意紫荊俠派食物派錢畀老人家、露宿者、籠屋居民嘅報道，我好欣賞佢可以帶起大眾社會關注行善呢個議題，如果可以影響到更多人去做善事，絕對係一件好事。（紫荊俠性感行善被人詬病？）呢個係佢個人風格，我唔覺得性感有問題。」
欣賞外國貧民
JuJu表示在多年的行善中體會很深，她說：「比起外國，香港嘅露宿者會希望自力更生，唔靠接濟，亦都比較注意衞生同健康，起碼冇咁多隨街大小二便。我試過喺外國派食物，有個無家可歸小妹妹好乖，收咗之後自己唔食，都要攞返去畀媽媽、妹妹，令我感受好深。」
夢想做舞蹈家
除了行善，JuJu另一嗜好是跳芭蕾舞，她說：「我三歲開始學芭蕾舞，夢想做舞蹈家，好鍾意古典藝術。之前睇西片《黑天鵝》，都好驚訝妮妲莉寶文可以跳得咁好！主角競爭真係好大，要經歷好多，套戲拍得好真，我都睇到喊。」
文：影視組 攝：司徒國榮
化妝：Jaffe @ jaffemakeup.com
場地：Sunny Wong Dance School