陳芷敏清純有着數
o靚模組合冬甩新成員、「嫩版鄧麗欣」陳芷敏（Elke）剛完成寫真拍攝工作，走清純路線的她在寫真中亦鮮有性感相：「性感留番畀其他隊員，不過走清純路線都有着數，我發覺微博同Facebook都多咗好多女仔粉絲，佢哋都讚我唔靠事業線，喺眾多o靚模中較特別！」
在多個寫真造型中，Elke最性感都只着比堅尼，外面又加上恤衫，大玩濕身誘惑：「有兩個工作人員猛用水桶淋我，嗰日仲要有風吹，其實都幾凍！出到嚟個效果就好若隱若現囉！」喜歡繪畫的她會將其畫作放入寫真中：「今次本寫真排版我哋幾個冬甩成員都有份畀意見，所以出嚟嘅作品都有我哋嘅構思！」
