方大同樂做奇葩

方大同一身平實造型不花巧、不誇張，卻廣獲樂迷所接受，更被形容為「異數」，大同笑說：「以我嗰個形式當歌手，喺香港樂壇做到係幾幸運，感謝DJ、歌迷對我有信心同接受，其實喺外國、甚至台灣呢個做法係行到，有啲歌手唔係最紅或最時尚，但佢哋都有一批自己嘅觀眾。」雖則他成功在香港站穩陣腳，但明白到條路要慢慢行，希望每張唱片的製作都得到大家肯定。

堅信慢工出細貨

大同對音樂的發燒程度，從他愛匿在不見天日的錄音室就知。他慢工出細貨，平均一年才推出一張大碟，他對此解釋：「外國歌手由構思到製作唱片，最快都一、兩年，但香港係一個奇特地方，歌手快則一年兩隻碟，最慢也一年一隻，他說：「香港歌手已形成咗呢個習慣，呢個習慣唔係咁好，大家應該要調節，花多啲時間投資落一隻碟度，即係將兩張碟變成一張碟，我覺得比較好。」

方大同幾乎只有薛凱琪一位緋聞女友。（資料圖片）

方大同在受訪期間談得投入，難得露出可愛笑容。

拍拖機會多的是

已有多年無拖拍的大同，緋聞女友只有薛凱琪一個，他笑言全因自己將全副精神、時間都放在工作上：「入行後真係冇時間，都識唔到人，錄音室都係男性多。」他堅持對感情抱順其自然態度，更笑言不擔心娶不到老婆：「拍拖係咪咁難我唔知，工作就工作，係你就係你，我相信自己仲有好多機會。」