周柏豪：衰十一要坐監
周柏豪近年慘遭緋聞纏身，日前有指他曾力追候選港姐C許亦妮，柏豪昨日出席電台活動時否認說：「呢單新聞真係莫名其妙，當年大家有共同朋友先認識，只見過佢兩、三次，我十七歲識佢，到我依家二十七歲，呢十年都冇聯絡。」
柏豪透露當年與對方同一模特兒公司，他說：「但都冇合作過。（借你宣傳？）唔會咁諗人，報道仲話我搞大佢個肚，我十七歲識佢，佢當時只得十四歲，咁講我咪衰十一要坐監，真係好離譜。」由於柏豪經常以女朋友稱呼楊愛瑾，對於有指楊愛瑾是「小三」，柏豪力撐：「唔相信佢係咁，佢係一個實事求是努力工作嘅乖女仔。」