謝賢：佢初初係好好噃
謝霆鋒、張栢芝鬧婚變，除狄波拉立場明顯外，謝婷婷也曾對於Lucas經常不上學似有微言，而一向力撐栢芝是好新抱的謝賢（四哥），昨日亦明顯轉軚。記者問四哥有關栢芝與拉姑嗌大交的傳聞，四哥說：「冇聽過。（仲係咪好似以前一樣咁撐栢芝？）佢（指栢芝）初初畀我嘅印象係好好噃，之後發生嘅事，就由佢哋兩個處理，當佢哋有咩決定嘅時候，我做霆鋒代言人囉，佢係我個仔，我有資格啦！（係咪發生咩事都企喺霆鋒嗰邊？）梗係，我哋姓謝，一家人嚟o架嘛！」
至於有傳因為栢芝與拉姑擘面，所以現在只有霆鋒與四哥可以搵到Lucas同Quintus，對此四哥表示：「我都冇搵佢哋（指Lucas與Quintus）。（因為你忙？）我都唔知佢哋喺邊。」
