廖碧兒釀紅酒饗好友
廖碧兒前晚出席髮型騷時以一頭新髮型示人，她表示頭髮剪短了四至五吋，比前更易打理。她又透露早前到了法國，稍後將會到俄羅斯拍攝電視節目以及參加一個全球大型活動。
提到當地治安不太好，她說：「成班人去，係幾大型嘅活動，應該OK，我想睇吓當地嘅歷史建築同埋紅酒，我對紅酒好有興趣，自己都好鍾意飲。三年前開始儲啲靚嘅紅酒當投資。（賺咗幾多錢？）我冇賣，要賣先會賺錢。我都有自己嘅紅酒，我喺法國同美國請啲酒莊幫我釀紅酒，個名係我自己設計嘅，唔會賣，我造呢啲酒唔係為咗賺錢，而係想同好朋友分享，或者用嚟做慈善活動，啲紅酒係無價寶。」