林夏薇陳嘉桓護峯封霜
林峯堂妹林夏薇及林峯緋聞女友陳嘉桓昨日首度同場出席活動，她們除了和林峯有關係外，立場口徑亦一致，林夏薇不想多提堂兄舊愛潘霜霜，陳嘉桓直言不會買潘霜霜的寫真集。
恒生新抱何倍倩創立的護膚品牌ZENSATION昨日假銅鑼灣開設首間概念專門店，並邀請林夏薇及陳嘉桓擔任剪綵嘉賓，兩人首次同場並言談甚歡，甚有「一家親」感覺！林夏薇認為堂兄跟陳嘉桓的緋聞是並無此事，對於會否買堂兄舊愛潘霜霜的寫真集，她說：「想大家留番私人空間畀我，唔想多講佢。」問到潘霜霜是否家族忌諱，林夏薇隨即否認，並立刻轉話題說：「陳嘉桓好靚，笑得又甜。（佢同潘霜霜邊個靚啲？）各有各不同。」
fans網上留言指罵
陳嘉桓表示和林夏薇只談護膚心得，未有提及和林峯的緋聞，不過談到會否買潘霜霜的寫真集，陳嘉桓說：「唔會，佢有嘅嘢我都有，留番畀其他女仔買啦！（參考佢啲甫士？）佢啲甫士唔啱我！」提到林峯將開個唱，陳嘉桓表示未知會否捧場，「佢啲fans咁勁，費事畀fans打！（曾被林峯fans指罵？）冇，但喺網上就見過一啲唔好嘅說話。」另外，陳嘉桓昨日接受查小欣電台訪問時，表示和林峯拍MV便有緋聞，感到好驚奇外，並自爆曾拍三次拖，不介意下任男友為圈中人，但卻抗拒姊弟戀。
何倍倩談夫婦之道
對於近日鋒芝的婚變風波兼傳栢芝想經濟獨立，何倍倩說：「有咗小朋友後，做太太要忍讓，唔可以太任性，要以家庭為先唔好諗自己，（經濟獨立？）禮物我就會，女人有能力係唔需要咁做，況且兩夫妻咩都係一齊，不分你我。（傳栢芝以兒子作籌碼？）仔女係要嚟錫，唔係攞嚟咁用。」
文：名人組