蔡瑩瑩任師妹峰殺
有「o靚模狀元」之稱的蔡瑩瑩（Ivy），日前以師姐身份介紹中德混血女模林宜芝（Monna）加盟公司，而Monna將與「爆E超蓮」鍾采羲（Iris）拍住上於暑假推出寫真，火速趕贏Ivy。
問到Ivy被師妹爬頭，會否感到不值？她大方地說：「從來冇諗過競爭，我喺半年前已經識佢，第一次見佢已覺得佢好靚，所以介紹畀經理人認識，就算大家同一路線，有競爭先有進步，唔係話封殺晒所有女仔，咁先叫對自己好。」Ivy又睇好Iris和Monna寫真大賣，她笑稱：「佢哋都有E Cup身材嘛！（你出寫真？）唔會啦，我都冇乜身材。」