雷凱欣吊高嚟賣宣傳索百萬

雷凱欣「露點」演出《3D肉蒲團之極樂寶鑑》，宣傳期間一度憑聽話、肯露深得老闆蕭若元歡心，但其後自稱大感壓力，表現失控，更開始「封胸」。她早前隨大隊到康城為新片賣埠成績不錯，眼見「有利可圖」，當獲蕭定一通知將再拉隊到泰國宣傳時，即用短訊回覆，表示要收七位數字「宣傳費」才肯動身。

嚇窒蕭定一

阿一接獲通知當場被嚇窒，結果未有表態，而小欣則繼續關電話失去聯絡。電影公司有見及此，已將她飛出局，落實本月六日由葉山豪、何華超及南燕「出征」泰國，至於稍後開拍的電影，也對小欣採取「放任態度」，據知阿一已向公司職員表態：「啱用就用，唔好勉強。」

雷凱欣似對娛樂圈不再留戀。

雷凱欣一脫成名，成為情慾片搶手貨。

其實自康城返港後，小欣一直關掉手提電話，連最愛的微博也沒有再留言，似乎對娛圈心灰意冷。她在康城接受本報獨家專訪時曾坦言：「太倦嘞，係時候休息吓，會去讀書、學吓手工藝。（唔擔心之前嘅努力白費晒？）唔擔心，我份人好順其自然，日後有啱劇本先再諗啦。」小欣所謂的壓力，來自傳媒的追訪，更指她以三千元租住深水埗板間房：「我喺嗰度大㗎，由始至終冇搬過，都係同屋企人住，呢啲唔係事實。」

葉山豪封鵰

記者昨致電小欣好友兼拍檔葉山豪，他坦言也找不到小欣，當提到對方退出娛圈，葉山豪坦言：「我都唔會再拍三級艷情片，再拍就大鑊，我都想試多啲新嘢，依家傾緊啲內地電影囉。（傳你都有問電影公司攞宣傳費？）我唔會咁做，當初合約都冇咁寫，其他人要分（紅）咪分囉，唔關我事。」

文：影視組