朱永棠爆半夜 撳錢畀張父

前風火海成員朱永棠十多年前曾與張栢芝有一段情，提到鋒芝婚變，他表示亦有留意，希望兩人和好如初：「小朋友冇父母係最慘嘅！」當年栢芝獲朱永棠兄長朱永龍發掘入行，對於有指她曾當兩人是「人肉提款機」，朱永棠說：「花好多錢喺佢身上係事實，我哋用咗幾百萬捧佢！（成日問你攞錢？）當年佢屋企係冇錢喎！佢爸爸問過我哋，係試過半夜要錢，我哋都有畀佢，可能栢芝唔知呢！」現已甚少在幕前出現的朱永棠表示雖然工作多年，但賺極都追唔番蝕咗嘅錢。問到有否嬲栢芝？他說：「冇，都咁耐，好多嘢我唔會主動講，但都唔會講大話。」