霆鋒拍《逆戰》13大漢護駕
【羅婉玲吉隆坡直擊】正身在吉隆坡拍電影《逆戰》宣傳片的霆鋒，自婚變傳出後昨日首次現身，有13位黑衣大漢在酒店護駕，留了鬍鬚的霆鋒戴上黑超，向記者揮手微笑，期間見霆鋒口噏噏，助手說：「影相得，問問題就唔好。」由於場面混亂，霆鋒終開金口：「小心啲。」問有冇打畀栢芝？太太係咪搬咗？分居？霆鋒都cool住chok樣上車拒回應，霆鋒到場後專心拍攝，每拍完一個鏡頭都看playback，十分緊張自己的表現。
周杰倫有講有笑
霆鋒昨日一時半到達武吉加里爾體育館外停車場為電影《逆戰》開工，香港及當地傳媒早已聞風等候，現場工作人員向各傳媒要卡片，並要求記者不要用閃燈拍照，更有多名黑衣保安人員在嚴守現場，慎防記者埋霆鋒身邊，又用10架貨車阻擋記者視線，令記者要遠距離才拍到霆鋒一舉一動。
約半小時後霆鋒換上西裝造型，樣子依然嚴肅，在休息期間，霆鋒則匿在貨車旁「煲煙」減壓。之後霆鋒又埋位，坐在車頭位置，現場傳來兩次巨響，見霆鋒面流着血漿拍攝。約五時另一主角周杰倫（Jay）亦埋位，阿Jay和霆鋒登上吉甫車上，隨後吉甫車吊起，見霆鋒不時豎起拇指，示意準備就緒，而車內霆鋒難得與阿Jay有講有笑。兩人只拍了短短十多分鐘車廂戲導演已收貨，收工後霆鋒沒有返酒店，反而到工作人員的公寓繼續開會。
