王菀之尊重舞台 爆粗演出
由歌手王菀之（Ivana）、梁祖堯及湯駿業等主演的音樂劇《I LOVE U BECAUSE》前晚公演，吸引鍾欣桐、薛凱琪、王祖藍等現身撐場。飾演情侶的Ivana與湯駿業除有挑逗、摸Pat動作，更於床上纏綿，做出拱橋下身貼下身動作。
被大讚由歌手成功轉型為演員的Ivana說：「好感動，大家畀咗好多意見我。（拱橋練咗幾耐？）唔係好耐，靠借力。但今日都有少少擔心，因為自己父母嚟咗睇。（綵排尷尬？）之前有更激動作，但導演覺得唔需要cut咗。（底線呢？）睇劇情需要，今次都估唔到。」此外，Ivana演出時要唱歌爆粗，她謂：「唔怕影響形象，都係尊重舞台，演繹都市男女啫。」
