馬浚偉為「茄蛋」解畫陳茵媺冧笑
同是港姐出身的陳茵媺和謝寧前晚到將軍澳電視城為馬浚偉主持的飲食節目《大廚出馬》錄影，馬浚偉見陳茵媺即連忙解釋早前形容她與陳豪配襯的「番茄煮蛋論」，是因覺得她與陳豪也「很乖」，猶如餸菜番茄煮蛋般襯到絕，陳茵媺聽後也不禁甜笑稱謝。
有指馬浚偉近期變節信主，隨之成為陳志雲愛將，工作量更大增，他說：「呢啲一笑置之，我有返藝人之家，但係到依家都冇宗教信仰，亦未受浸。《大廚出馬》係當年同陳生傾續約時要求想有自己嘅飲食節目，好多謝佢兌現承諾。（有冇要求埋攞獎？）呢啲冇得講架喎，講呢啲好肉酸，攞獎要觀眾認同先得。」