官恩娜怕惹遐想 內衣小心擺放
官恩娜（Ella）前晚出席活動，她透露早前寓所門前倒塌一棵大樹後，如今家中窗戶失去大樹遮擋，擔心自己和父母的私隱盡失。Ella說：「依家冇遮冇掩，喺外面已經可以睇到室內環境，最擔心會被偷拍，所以喺屋企都要着靚啲，以免畀人影到出洋相。」
另外，Ella昨日出席校園活動則表示跟鄰居經常守望相助：「我試過屋企燈膽同冷氣機壞咗，隔籬屋嘅哥哥都會過嚟幫我手整，令我好窩心。」問到會否不將內衣褲掛在屋外？她說：「一向都好小心，始終都敏感，又驚人哋有遐想。（你啲內衣好性感？）唔係，係實用。」