朱裕琳扮靚抗敵益埋師妹
冬甩成員朱裕琳（Caroline）近年成為美學中心代言人，閒時都可以免費去扮靚，日前她趁影寫真前夕，益埋同公司師妹馬婉雯（Comi）及劉瑋欣（Vilian），實行齊齊keep fit抗一眾寫真強敵！
擁天賦驕人33E上圍、42吋長腿的Caroline，其完美身材簡直是不少女生夢寐以求的目標，近年她更獲Dr. Renew專業醫生美學中心睇中擔任代言人，獲六位數字美容贊助。所謂「獨食難肥」，日前她益埋同公司師妹Comi及Vilian，齊齊扮靚：「特登帶埋佢哋喺影寫真前去keep fit，皮膚、身形都靚啲，我影寫真期間都唔會食嘢，只係會食營養素，希望可以雙管齊下影多啲靚相！」
搽泥上身夠搏
為了對付來自大陸及本地的o靚模寫真勁敵，她們今年出寫真都要搞搞新意思，以「金木水火土」為主題，Caroline代表「金」，化妝就要花個多小時，其中有個造型有鎖鏈，感覺似SM。而Vilian就代表「土」，工作人員特地去花墟買了五、六包種花泥給她搽身，她說：「我要踩上啲泥度，有啲又要搽上身，啲泥入面仲要有蟲！影完之後我即刻要去沖涼，啲衫仲全部都要報銷！」
文：專案組
攝影：秦健輝
場地：Dr. Renew