陳敏之鳳樓考察任人圍瞄
無綫女藝人陳敏之在新劇中放下高貴形象扮演妓女，事前與劇中另一半李璨琛到鳳樓考察，又以性感裝扮到深水埗，引來阿伯圍瞄，令她體會深刻。
陳敏之與李璨琛（Sam）在新劇《怒火街頭》中齊齊有破格演出，敏之飾演為母還債的一樓一鳳姐，更有裸跑戲；Sam則演不平則鳴的流氓社工，希望救敏之出火坑，兩人不乏感情戲，令人期待。
鳳樓按鐘仔
為演好妓女角色，敏之事前找來夜總會媽媽生傾偈，了解她們的生活，又與Sam到鳳樓「按鐘仔」見識，認真大膽。敏之說：「佢哋背後多數都有故事，有啲真係同我個角色一樣好有抱負，所以唔應該有歧視，佢哋冇傷害人。」Sam亦表示每項職業在社會上都只是一個角色，是供求問題：「去到真係好有壓迫感，嗰啲地方龍蛇混雜，戥佢哋危險。」拍攝期間，敏之不慎跌斷鎖骨要休養多時，亦打破花瓶形象，以性感服飾到深水埗出巡，引來不少阿伯圍觀狂影，感覺並不好受。
互相笠高帽
原來敏之及Sam已相識逾十年，但今次還是首度合作，Sam笑言是「遲來的春天」，第一次拍劇的他表示最難是背幾頁對白，幸得敏之做其嚮導：「我未拍過劇，好多細節都唔識，全靠佢帶住我，做足『女朋友』本分，咁我都做番『男朋友』不停請佢食嘢囉！」他大讚敏之是個顧家靚女，女方則讚他工作認真，是不少女性朋友的理想對象。
文：影視組
攝：黃叔榮
李璨琛眼鏡：Subcrew x Mikli
場地：皇家太平洋酒店堤岸酒吧及餐廳