李治廷孖女模床照目不斜視
歌手李治廷（Aarif）昨日出席床上用品活動，獻出第一次與性感模特兒共試新產品，全程望實鏡頭的他說：「呢啲情況都係望番你哋（記者）好啲，模特兒有問我點解唔着睡衣，都係留番畀女仔着啦。」
至於Aarif對套裝睡衣有否特別偏愛？他說：「我對睡衣毫無要求，媽咪可以做證，最緊要舒服啦，（要求女友着？）冇試過，睡衣都係着嚟瞓覺啫。」Aarif表示曾因拍戲耗盡體力，導致入睡後標冷汗，他說：「依家出外工作會帶兩套睡衣，嗰次係連床單都濕埋，返嚟香港都有即刻睇中醫。」Aarif又透露自己是爛瞓一族，最高紀錄沉睡15小時，幸有得力助手擔當人肉鬧鐘，才不致因懶瞓遲到。