馬浚偉遭郭羨妮放飛機
馬浚偉前晚為其主持的節目《大廚出馬》作宣傳，早前他曾表示邀得郭羨妮參與節目，不過前晚他就表示：「佢放飛機嚟唔到呀，要返大陸拍劇。（返去結婚？）我只係知佢呢段時間好快樂，（知唔知佢幾時擺酒？）我未收到佢正式通知喎，基本上佢去邊度擺我都會去！」
另外，馬浚偉又表示邀得陳法拉、陳茵媺等上節目，問到他知不知道陳茵媺與陳豪（Mo）的緋聞？他表示自己看着陳茵媺入行，覺得對方好乖好斯文，又笑言：「叫阿Mo加油囉，佢哋兩個都好乖，就好似番茄煮雞蛋咁，如果佢哋真係拍拖我就送呢樣餸畀佢哋啦！阿Mo唔好成日飲咖啡啦！」