偉仔誓保孖膶腸追究侵權

曾華倩對梁朝偉突然成為玩具代言人，一度以為是惡搞合成相，得悉是侵權照後便愕然地說：「我無放大仔細咁睇張相，如果件產品真係將咁經典嘅造型做商業用途，真係有侵權問題，我覺得藝人應該保護肖像權。如果佢追討成功應該分少少畀我。」問到會否購買該產品時，華倩謂：「張相咁經典又真係幾好笑，睇下幾錢先啦。」

涉及兩個版權

而梁朝偉得悉後透過經理人表示會保留追究權，不排除跨海追告，其經理人公司澤東發言人表示有睇過有關照片：「張相涉及兩個版權，一係梁朝偉肖像權，二係套電影嘅版權。依家諮詢緊律師意見，如果確實侵權一定會追究到底。」另外，於電影《大魔術師》中飾演魔術師的梁朝偉被導演爾冬陞讚又型又可愛。

文：影視組