鍾嘉欣網友捧做視后

鍾嘉欣在新劇《點解阿Sir係阿Sir》中，遭陳豪飾演的羅Sir騙婚，不少網友睇到咬牙切齒，既戥嘉欣不值，又封陳豪為新一代「賤男」。嘉欣呼籲各界睇劇要冷靜，她說：「多謝網友支持，但希望佢哋唔使咁激動，電視劇嚟啫，梗有好人、壞人，陳豪角色係臥底，佢都有苦衷。（網友撐你砌低佘詩曼攞視后？）唔好咁講，頒獎禮距離依家仲有好大段日子，我幾鍾意自己《冏探查過界》嘅o靚模角色，同埋《阿Sir》嘅Miss Koo角色，是但一個攞到受歡迎角色我都開心。」

此外，廣管局接獲三宗投訴，指上周播出的《阿Sir》破壞警隊形象、教壞小朋友；兩宗投訴指《花》劇內容暴力、意識不良、教壞小朋友，而上周六無綫《萬眾同心公益金》節目則接獲三宗投訴。