中巴讚崔建邦叻仔唔愁發展
連番做錯事而和無綫解約的崔建邦，其舊愛模特兒鄺敏慧（中巴）剛從新加坡旅行返港，經朋友告知才得悉前男友被炒消息，中巴說：「知道呢個消息都好愕然，因為一直都冇同佢聯絡，所以唔知，亦都唔會搵佢。佢係一個叻人，相信佢將來有更加好嘅發展。」
另外，中巴笑言新加坡之行嘗盡美食，原來她是蟹精一名，故到當地無論是凍蟹或辣蟹等均吃盡，她說︰「蟹鉗好似雞髀咁大，真係好好味，但因為天氣太熱，所以胃口較差每次只食少少。（艷遇？）係零，我仲係單身，識親啲靚仔大部分都係同性戀。（曾被女同性戀者追求？）以前做sales時，有個tom boy打扮嘅客人日日搵我，送朱古力又約食飯，但我只係食佢啲朱古力，冇約會。我唔抗拒同同性戀者做朋友，但我鍾意男人多啲。」
