鄭嘉穎李詩韻咀為財
情侶檔有利搵銀，無綫看準旗下的緋聞情侶，不惜以假亂真，希望力谷為「吸金王」。其中鄭嘉穎與李詩韻一對雖已否認戀情，但二人情侶形象卻獲外間接受，故無綫下令他們演出的劇集《拳王》中，加多一、兩場咀戲，將他們之情侶感覺煲得熱辣辣，加強鄭、李「情侶檔」效果，以便為公司搵銀。
《拳王》監製羅永賢昨承認加多了咀戲，因他亦覺鄭嘉穎與李詩韻於劇中的情侶感覺很有效果，愈見默契：「好贊成公司將嘉穎、詩韻造就成螢幕情侶，因為佢哋演得都好有feel。」而鄭嘉穎昨稱未收得公司通知要將他與詩韻組情侶檔：「啱都冇所謂，又唔係我話事，都係公司安排啫！不過，我覺得我同詩韻只係一套劇合作，要講『情侶檔』係需要有兩至三套劇演情侶，先有說服力。」
李詩韻雨中催淚
李詩韻日前為《拳王》演出向嘉穎表白失敗而雨中落淚的戲份，詩韻自爆要靠眼藥水催淚：「因為要多角度拍攝，場口又散，所以情緒難集中。（加咀戲？）聽講係，我拍咁耐劇今次最多咀戲，不過，嘉穎都係靚仔嚟嘅。」同場胡定欣亦有份淋雨，她在劇中演聾啞人士，要用手語演出，並安慰失戀的詩韻，她笑說：「劇中演女拳王，為準備都要健身。」
文：影視組