胡杏兒被同性摸胸尷尬
胡杏兒與鍾嘉欣昨為無綫劇集《樂府藏龍》開工，劇情講述女扮男裝的杏兒被識穿女兒身，杏兒說：「我喺套劇做家丁，點知就有個癲佬衝埋嚟，混亂中嘉欣就掂到我個胸，我畀女仔摸胸都好緊張。」
另外，有關無綫重新招標臨記公司而導致臨記罷工一事，無綫外事部副總監曾醒明昨稱：「原定五月十三日截標，但上星期無綫曾跟臨記公司開會，部分公司願意再考慮，故招標一事再押後至星期三即十八日。而呢段過度期多得演藝人協會幫手，推介好多臨時演員開工。」另有讀者爆料指無綫有意開臨記公司，他說：「內部係有人提出過，因為無綫係有條件做呢樣嘢，但經考慮後擱置。」