Baby出術高攀錦榮

第三次為海港城拍廣告的Baby，拍攝以「Admit your Love」為主題、分男女篇的電視及平面廣告。拍攝前一晚，Baby雖只休息四小時，但在凌晨時分埋位仍精神奕奕，並興致勃勃的到各大已關門的店舖window shopping。工作人員問她是否準備shopping list？她說：「除咗買嘢，我同同事成日都嚟食飯或慶功，所以我真係好熟路。呢度畀我好多美麗回憶，所以好鍾意呢度。」未知Baby的美麗回憶是否跟緋聞男友黃曉明有關呢？

穿六吋高踭鞋

Baby與黃曉明傳緋聞，而錦榮亦和蔡依林傳拍拖，可能因心有所屬，首次合作的兩人未有過電。平時只穿三吋高踭鞋的Baby，為配合錦榮的高大身材，特意以六吋高踭鞋上陣。Baby說：「錦榮身材好好，但對我嚟講真係高咗啲！今次着咗六吋鞋，但佢都係高我一個頭。錦榮好有紳士風度，大家跳舞時佢盡量彎身遷就我。」

Baby出動六吋高踭鞋配合錦榮高大身形。

Baby拍攝時過程順利。

打機手舞足蹈

錦榮亦大讚Baby可愛，未埋位前，兩人以手機玩格鬥遊戲，Baby玩到手舞足蹈不時大叫，而錦榮比較冷靜，最後更成大贏家。錦榮又自爆腳板大難買鞋：「我一直着46號鞋，但平時好難買到，所以今次都難倒工作人員，影硬照時都可以勉強着上，但拍電視廣告時就要就位兼着番私伙鞋。」另外，錦榮在政府合署天台上的八呎長梯上站立拍攝，認真牙煙。

錦榮於天台拍攝。

兩人均心有所屬未有過電。