Donald娶Jan忍淚保Chok樣

拍拖六年的Donald跟Jan終於拉埋天窗，昨晨Donald在十二個兄弟團簇擁下，浩浩蕩蕩到淺水灣酒店接新娘，一對新人隨即乘花車到薄扶林的伯大尼教堂舉行婚禮，晚上則在淺水灣酒店以西式自助餐宴客。

遭假新娘整蠱

Jan坦言由接新娘開始，到教堂行禮都忍不住喊，相反新郎哥就硬朗得多，Donald笑說：「我唔想喊，今日係開心事，我要保住Chok樣，盡量Chok到尾，不過喺教堂聽到音樂響起，都有衝動想喊，但怕家人跟住喊都忍住，控制住現場氣氛。」

Donald又自爆在接新娘時遭姊妹團大整蠱，他說：「見到Steven孭住着褂嘅新娘落嚟，佢好似孭得好辛苦，阿Jan明明好輕，但我都好認真、深情講晒愛一生一世說話。」其後知道原來中計，對方是個男扮女的「假Jan」，他說：「嗰時真嬲，佢仲按住我想咀落嚟，我一腳伸開佢。」

小儀再接花球

問到開門利是，Donlad笑說：「畀咗八個八，其實我預咗三千九百九十九。」最終都加碼至六千九百九十九。向外母斟茶時，Donald搞笑說：「佢係講廣東話，但我一句都聽唔明，只知叫我哋唔好嗌交，錫大家多啲。」

而花球則由充當戥穿石的小儀攞到，她說：「都唔係第一次攞到，好有壓力。」

文：音樂組