范振鋒公開戀情多人爭
DJ范振鋒（Ricky）自跟藝人李思欣公開拍拖後，立即招徠很多情侶檔工作機會，日前他們就跟名模何紫綸（Ann）、樂壇新人譚晴和DJ阿Ben出席花店開幕，Ricky和思欣同場即成焦點，Ann和Ben都紛紛恭賀他們拍拖。
問Ricky是否情侶檔搵錢？他笑說：「一齊做嘢幾好，公開拍拖之後真係好多人搵我哋做嘢，除咗搵我哋拍檔做司儀之外，仲有廣告商搵我哋拍婚紗廣告，而且唔止一間添。（價高者得？）唔係齋睇錢，最緊要影出嚟啲相靚。（贊助埋結婚？）哈哈，咁遠未諗。」
雖然兩人只是拍拖數月，但Ricky坦言有跟女友提過結婚，希望兩年內成事。