李思欣爆男友公器私用

最近李思欣與Ricky因微博傳情被揭發戀情，兩人亦大方承認，原來他們於五年前已認識，但一直沒有機會發展，直至去年年底重遇才正式撻着，適逢兩人都是單身，已暗藏好感的Ricky即請思欣到電台節目出力「審問」，戀情才正式萌芽。

情投意合

思欣說：「倒數嗰晚我出席電台活動見番佢，先開始聯絡番，之後佢請我上佢主持嘅電台節目，係咁問我有關戀愛嘅問題，同埋以前嘅經歷，我又焗住要答，可能佢覺得我係佢杯茶，跟住就開始約我。」

找到能溝通的另一半並不容易，思欣表示與Ricky十分投契，因此不久後便正式拍拖：「我哋好夾，好多方面都好似！好似畀人發現戀情，我哋都唔介意公開，覺得拍拖唔需要收埋，所以我哋出街都會照拖手。」

冧爆狂讚

問到Ricky有何吸引之處？思欣即滔滔不絕狂讚：「有才華啦！無論音樂定口才都好，佢又有自己主意，好清楚人生方向。而且夠成熟，我鍾意人哋錫我同照顧到我吖嘛！」

今年兩人首度過情人節，當日Ricky帶思欣到山頂吃心形牛扒，並送上手鏈做禮物，認真浪漫！不過思欣只收禮卻沒有表示，她說：「我係比較慢熱啲，不過佢就嚟生日，我準備緊架喇。」

文、攝：立影