黃婉曼被封豬扒唔hurt

「天氣小姐」黃婉曼(Icy)日前接受《娛樂on Show》訪問,原來Icy入行初期曾被嘲「豬扒」,但她毫不介意,EQ認真高!

人氣網站ontv的娛樂資訊又快又新,獨家猛料及追蹤消息豐富兼具話題性,加上有名人紅星深情專訪,難怪點擊率持續高企!由「天氣小姐」轉型為主持的黃婉曼,日前接受由俞詠文及周吉佩主持的《娛樂on Show》訪問。早前疑於節目內爆粗的Icy,受訪時仍不避嫌講個「點」字,幸沒有出洋相。Icy今年化身才女,她透露會推出名為《私密報告》的書,暢談心路歷程。問到簽名會會否送絲襪?她笑稱:「真係有朋友叫我送喎,或者絲襪奶茶都得。(新書會講性感內容?)冇啦,我性感唔到。」

雖然曾擔任「天氣小姐」,又做過主持,現時還進身才女之列,但原來Icy以前曾被封為「豬扒」,她說:「細個媽咪抱我出街食飯,啲auntie見到我,都同我媽咪講『你個女咁醜樣嘅?』,五、六年前入TVB面試,亦試過畀監製話我『豬扒』。(好hurt?)咁又唔會,冇乜所謂,唔點樣理。」

接受負面批評

Icy直言入行後曾聽到不同聲音,當中亦包括負面批評,她說:「實有人唔鍾意自己,都幾大壓力,試過瞓得唔好,其實有啲鬧得啱嘅,我都會改,我只想話畀後生一輩知,有目標嘅話,好多嘢都可以做到。」

採訪:專案組

場地:勝手