梁佑嘉全程床震泰離奇
樂壇新人梁佑嘉（Abella）早前相約友人一起到泰國蘇梅享受陽光與海灘，不過這個旅程卻遇上神秘搖床怪事，Abella坦言十分害怕，令整個旅程未能安睡。
喜愛吃喝玩樂的梁佑嘉早前向公司請假，與友人到泰國蘇梅遊玩，除了去沙灘曬太陽和游水外，還在當地食個夠本。由於當地天氣不錯，Abella幾乎每朝都起身曬太陽，隨後就行街兼掃貨。她大讚當地街邊小食十分美味，令她停唔到口，臨走時更掃了不少食物，以及不同類型的食物油返港享受，或當作手信送給朋友和同事。
朋友以為地震
不過Abella的蘇梅之行雖然玩得開心，但亦發生怪事，她坦言當時有點害怕，她說︰「嗰晚我喺房度瞓緊覺，但我感到張床好似有人搖緊，開頭以為係我朋友想整醒我，於是冇理到繼續瞓。」但Abella表示之後一晚同樣事情繼續發生，開始感到有點疑惑，她說︰「之後一晚我朋友一早瞓咗，所以當時有啲驚！唔敢起身，繼續瞓但瞓得唔好，成晚諗住呢件事。」她表示事後有向朋友提及此事︰「我朋友感覺唔到，問我會唔會係地震，不過我當晚冇覺好瞓，第二日仲多咗對熊貓眼添。」
文︰專案組