岑潔儀玩飛鏢掟上癮
陶喆前緋聞女友岑潔儀，平日夜蒲落吧原來不是喜好杯中物，而是另有內情，她說：「我係一個飛鏢狂熱分子，好多酒吧都有嘅嗰部飛鏢機，我都玩得唔錯，有晒專用私家鏢同data卡。其實愛上飛鏢都係幾偶然，有次我落朋友間吧飲嘢，我又唔鍾意猜枚，咪試玩飛鏢，點知一飛上癮，玩咗大半年，都幾滿意自己成績，可以練到我嘅集中力同恒心。」
岑潔儀續說：「有次同朋友牙骹戰，我仲連飛兩個紅心反勝，贏咗餐飯添！（有冇男仔借鬥飛鏢撩你？）冇呀，玩飛鏢要好專心，唔諗其他嘢。（有乜心得畀初學者？）最緊要肯下苦功，唔好學壞手勢，因為掟慣咗好難改，又易整傷手。」