吳天瑜行性感放到盡

吳天瑜（Debbie）於99年代表馬來西亞來港參加國際華裔小姐競選後正式入行，其後拍過《犀照》及《奪標》等電影，09年返馬來西亞發展，除專注演藝事業，亦投資開餐廳：「同朋友喺嗰邊夾份開咗間餐廳，依家生意開始穩定，我可以專心去拍戲，暫時會香港、馬來西亞兩邊走，喺嗰邊簽咗約，兩年會拍三至四套電影。」

唔會就住演

最近Debbie在港簽了新經理人公司，望有機會接拍更多本土電影，離港期間，她亦有留意香港影壇動向，認為近年香港電影無論大製作或低成本都拍得出色，對於《婚前試愛》中兩位o靚模楊梓瑤（Carol）及周秀娜的演技，她直言二人可演得更放：「如果我接到類似尺度嘅角色，一定會演得好放，唔會就住就住，只要係演緊個角色我都可以接受。」

變態戲照接

早前她接拍馬來西亞導演李添興的驚慄片《瓦煲人肉咖喱》（暫名），由於劇情挑戰社會道德尺度，未能通過電檢：「最初我睇到個劇本，覺得太變態所以推咗，後來諗諗吓唔想錯過個機會，最後我都拍得好放，一於變態到盡！」

文：專案組

化妝：Cherie Wang

髮型：Addem Lo@Xenter

服裝：Miss Sixty