吳若希練拳防狼順便升Cup

吳若希去年以新人姿態殺入樂壇即獲公司力撐，經過一年的衝刺，便感受到四方八面而來的壓力，為了放鬆及裝備自己，Jinny決定學打拳發洩，一打就打足半年，穿上背心、短褲的她顯得有板有眼，對眼前的沙包更狠狠落拳打到嘭嘭聲，踢腳亦力度十足，似足職業拳手。

練實肌肉

Jinny解釋學打拳原因，她說：「初時諗住用嚟減壓，打打吓就鍾意咗，依家每星期打兩、三日。」問到是否用來防狼？她笑說：「絕對係，作為女仔要有一套保護自己方法。」一身健碩身材的Jinny問到擔不擔心嚇怕追求者？她笑說：「唔驚，又唔係筋肉人，只係將啲肉練番實。」

吳若希打拳前必定做足熱身。

吳若希踢腳力度十足，絕非花拳繡腿。

上圍按摩

打拳有否豐胸作用？Jinny說：「有少少幫助。」貪靚的她自爆不時為上圍按摩及推拿，她說：「真係有用，當然要Keep住做。」Jinny透露不時整傷及撞瘀，有次因出拳發錯力扭傷手，她說：「打時要好小心，唔係亂出力就可以，所以初學者一定要跟教練學，如果唔係就好易整親。」

採訪：音樂組 攝影：沈健程 場地：aPTness Fit