焦媛打鑼搵Eason撐場
焦媛執導兼演出的音樂劇《我的快樂時代》重演，劇中透過四十首陳奕迅（Eason）歌曲訴盡八十後的訴求，為此焦媛從各方途徑「發散人」邀請Eason到場欣賞。
舞台劇演員焦媛與陳健豪（Angus），為音樂劇《我的快樂時代》重演七場作出綵排，擔任導演和演員的焦媛表示《我》劇透過Eason四十多首歌曲，道出社會「八十後」年輕人對社會的不滿和控訴，今次亦邀請了Eason出席欣賞他們的演出。
精神崩潰
焦媛說：「上次演出Eason好似唔喺香港，不過佢爸爸有嚟睇，希望佢今次有時間捧場。我已經託朋友請佢出席，總之發散晒人搵Eason，連微博和facebook都出動埋。」焦媛為了舞台劇可謂瞓身投入，一個月內先後到內地巡迴演出《金鎖記》，回港再演出《女上男下》和《我》劇，坦言精神崩潰：「有次《女》劇導演問我可唔可以做得搞笑啲，原來我停留咗喺《金》劇個情緒。」
無暇見母
忙得不可開交，焦媛坦言與母親已有兩個月時間沒有見面，母親節也未能陪同度過，她說：「惟有叫佢睇我舞台演出見吓個女。」問到男友高志森，她表示高志森見到她亦避得就避，焦媛說：「可能佢驚我發脾氣啩，哈哈！其實佢係唔想再擾亂我個情緒啫。」而「八十後」的Angus對政府亦有很多意見，尤其年輕人置業、官員「車毀人亡」言論和最低工資等問題，亦會將題材加入音樂劇中發揮。
文：影視組