趙薇撇低B女練武「復出」

【劉慰思上海直擊】超級品牌Christian Dior昨日在上海恒隆廣場上演一場名為Lady Dior「我之所見」展覽酒會，並找來全球知名藝術家及攝影師共同合作，促成是次展覽。大會特別將會場布置成Lady Dior手袋，賓客就在其中欣賞展品，十分特別。

為隆重其事，品牌請來內地著名紅星趙薇、鄔君梅、楊幂及王珞丹盛裝出席。穿上V領吊帶短裙的楊幂率先到場，現場布滿粉絲吶喊聲；但紫色V領雪紡短裙的趙薇現身時，大批拉着橫額的「薇絲」即大搶風頭，成為全場聲勢之冠。

鄔君梅（左起）、趙薇、品牌中國區總裁Patrick Lee、王珞丹、楊幂和品牌中國區總經理Jerom盛裝出席活動。

內地女星楊幂率先到場，一身性感打扮令人眼前一亮。

靠視像陪囡囡

心情大好的趙薇被追問何時真正復出？她即為粉絲傳來喜訊說：「其實晏啲我就會返新加坡執嘢，因為嚟緊會去北京，同周迅及陳坤合作，拍攝《畫皮2》，呢部係生BB後首部電影，所以都好緊張！」拍電影少則兩、三個月，那豈不沒時間陪伴囡囡？她續說：「係呀，惟有用視像同BB聯絡。（會否再生？）BB依家就快一歲，不過會唔會再生就未知。其實除咗工作，自己都唔想講太多BB嘅嘢！」趙薇又透露在電影中有武打戲，故將會秘密練武，可擔心滿身傷痕？她打趣說：「唔怕，但就要買重保險喇！」

趙薇獲大批粉絲納喊助威，她亦識做地與粉絲揮手示好。

放大圖片

的起心肝執導

此外，趙薇又謂將會首次做導演，亦是一大挑戰，她解釋說：「因為我06年喺北京某大學修讀演藝課程，一直未畢業就係因為欠交畢業功課，要交一部自己執導嘅電影，所以嚟緊就的起心肝開拍。」她表示想拍愛情片，但自己就不會參演，因想專心執導，現正忙於修改劇本。