MC Jin榮升老闆力捧老友
歌手歐陽靖（MC Jin）日前榮升老闆與好友合資開設經理人公司，並簽了相識多年的好兄弟唐嘉麟（KT）成旗下首位藝人，還於今年力捧他角逐新人獎，MC Jin日前與KT到電台宣傳，問到MC Jin是否以老闆身份陪對方受訪？他說：「又係老闆、又係朋友，身份幾尷尬。」
由於KT獻唱的是Hip Hop，問到擔不擔心非主流歌曲令人難以接受？他充滿信心說：「唔擔心，玩音樂係想表達唔同嘅嘢出嚟。」兩人坦言不會因工作上的摩擦影響友誼，KT說：「佢提點我多過鬧我。」MC Jin則表示：「唔會，我成日都講要多溝通，間公司唔係大，得幾個員工，有咩就要講出嚟！」