黃宗澤踩胡杏兒煮屎

黃宗澤與周秀娜昨日到長沙灣錄影小儀及金剛的節目《街坊廚神》，吸引大批市民圍觀，黃宗澤到場才得知要煮蝦，又自嘲自己衣着似蝦配合，在旁的周秀娜揚言只係等食。

推薦秋生參演

黃宗澤廚藝了得，卻狠批緋聞女友胡杏兒的手勢，他說：「佢唔識煮，一pet屎，手勢有待改進，最拿手煮打邊爐，要跟美女廚神小儀學。（扣分？）慢慢學，廚房一山不能藏二虎，一搞我就起弶，中西菜都煮。」

另指公司正構思《衝上雲霄》續集故事，他想原班人馬上陣，明白時隔多年難找吳鎮宇演出：「不如搵黃秋生，兩集都有兩大影帝，斟影后客串都好。」對於離巢的陳鍵鋒一角由林峯頂上，黃宗澤稱只是傳聞，由高層決定，視乎故事而決定是否與杏兒情侶檔演出。

小儀（右）及金剛（左）昨日到長沙灣錄影《街坊廚神》。

杏兒曾上《美女廚神》露兩手。（資料圖片）

周秀娜缺湯水

晒長腿上陣的周秀娜表示早前到內地北方工作，男友Avis沒有探班，冇湯水令身體日差，現在想學煲湯。對於港姐面試佳麗中有「闊面周秀娜」，她表示同事在凌晨時分已通知她：「同事話眼似，但冇佢咁有錢，上年都話有『翻版周秀娜』，戥佢哋慘，我啱啱出道被人叫『翻版樂基兒』，祝佢哋好運，希望我個名帶畀佢哋好運。」她指從無意參選，自覺與優雅扯不上關係，媽媽卻希望她參選。

文：專案組