楊梓瑤皮膚病驚有疤
浸大E神楊梓瑤（Carol）、周柏豪及關楚耀（Kelvin）等前晚出席手錶活動，早前表示患上皮膚病的Carol密實上陣，她說：「醫生話係皮膚敏感同埋免疫力出現問題，可能呢排壓力大，之前要趕功課同溫書40個鐘冇瞓過。」Carol又言怕留疤令心情差，問她有否因此發男友脾氣？她卻表示：「冇男朋友，唔知算唔算分手，情人節之前已經冇聯絡，可能大家都忙啦！」
而近日柏豪就於網上表示憂心忡忡，問他所為何事？他說：「婆婆心臟病引起併發症，個肺忽然好弱入咗醫院，依家穩定番喇，當日嚇死屋企人。」至於為品牌示範的Kelvin就言從小就喜愛手錶，更會做生意，將特別版賣給同學賺取薄利，不過就未曾儲錢買情侶錶，他說：「依家係都買樓啦，穩陣啲，自己都儲緊錢，夠買隻窗。」