Kelly掃蝦餃戰衣解相思
走出流產陰霾的陳慧琳（Kelly）重新投入工作，昨日暫別愛兒「蝦餃仔」到上海出席活動，據知酬勞更高達百萬港元。Kelly工作之餘不忘為囝囝掃貨，可謂廿四孝潮媽！
Kelly早前不幸流產，痛失懷胎5個月的孖女，但休息2個月後她已經積極復工投入工作，昨日她應邀到上海出席一意大利餐廳的開幕酒會。據知今次酬勞高達近7位數，難怪她也笑說：「總之酬勞好滿意。」
玩視像見面
經常將心肝椗蝦餃仔（劉昇）掛在口邊的Kelly，雖然離港不足48小時，但亦坦白說：「我梗係掛住佢，不過佢依家開始大個，我都可以用手機或網上視像同佢見吓面。」久未出埠的Kelly，難得活動後有半日空閒時間，她把握機會去「濕平」，她笑說：「平時喺香港好少去shopping，所以可以喺上海自由行街係好開心，我準備幫蝦餃仔掃啲新衫，因為知道上海有些獨特的童裝店。」
用蛋糕傳愛
早前因有孕及後流產，愛好飲咖啡的她Kelly迫不得已要戒飲7個月，昨日難得在意大利餐廳上一嘗咖啡止癮。此外，Kelly平時也會親手自製蛋糕，她說：「喺屋企都有整過Cupcake（杯裝蛋糕），仲會喺上面寫屋企人同朋友個名，然後送畀佢哋，（評語？）冇人話唔好食喎！我個仔仲好鍾意食添。」
文：音樂組