好姊妹榮升媽咪 陳法蓉感動到喊
蔡少芬已為人母，好姊妹陳法蓉雖然開心，但不願多講：「都係留番新任爹哋媽咪自己同大家分享喜悅啦！法蓉承認前日探望Ada時感動落淚：「總之個BB非常得意，真人比上鏡靚一百倍，我衷心恭喜Ada同阿晉做咗爹哋媽咪，亦祝福BB快高長大又靚女！」
而Ada的「大家姐」韓馬利前日知道好姊妹做了媽咪，但因要開工至昨日早上才能探望，見到BB女感到十分開心：「BB女好健康、好得意，但咁細個好難話似爹哋定媽咪，最緊要係健康啦，新爸爸就好開心，笑到個口合唔埋。」
另一好友謝寧因怕見傳媒及事忙，未能探望Ada，她今天離港，待回港才探望及送上預備好的神秘禮物。歐倩怡則說：「恭喜晒，（BB女有9磅幾？）哇，好犀利，意料之中，之前同Ada食飯見佢手長腳長，BB可能遺傳媽咪基因。（你都就快生喎？）始終自己有經驗，冇生第一胎咁緊張。