度晒期出席頒獎禮 基仔捧蛋感無奈

古巨基昨日在旺角出席活動，同場還有第四代Canon甜心Alice B.及三位索模，身材嬌小的主持人小儀表示無法與其他模特兒比較，自嘲做「車仔麵」，幸獲基仔力撐，選他做心中的王后，小儀為答謝對方即作狀錫面珠。基仔笑說：「以前女友同小儀差唔多size，搵到初戀感覺。」問到擇偶條件？他說：「做朋友無分國籍，但揀女友就鍾意中國人，自己食嘢都鍾意食中國菜啦。」
古巨基在旺角出席活動，fans爭相握手。
古巨基在旺角出席活動，fans爭相握手。

前晚無綫舉行《2011勁歌優秀選第一回》，基仔竟然捧蛋，有傳無綫為偏幫林峯而犧牲了他。基仔昨日表現無奈，他直言有度期出席，可惜最後空手而回，他說：「之前去咗蘇州拍劇，公司亦有叫我mark期返港，有冇獎係頒獎先知，所以尋日變相放假去睇學友演唱會。（冇獎攞喎？）唔介懷。」不過他仍讚賞林峯好勤力，問到對年底頒獎禮有沒有信心攞獎？他說：「到時再算。」

基仔交足貨，搞到大汗淋漓。
  • 基仔交足貨，搞到大汗淋漓。