未定開記招時間 阿聰日內微博會粉絲
莫少聰獲釋後，即第一時間為一部古裝片開工。至於有傳阿聰明日在北京開記者會交代吸毒事件，其經理人張國忠對此說：「公司會安排阿聰分別喺北京同香港開記者會交代，但兩地日期未定。（傳佢三號喺北京開？）我未知，仲等緊通知。」
張國忠透露阿聰前日在朝陽看守所釋放後，已經返回劇組開工拍攝：「佢今日都要開工，人哋一直拍緊等佢，都嘥咗人哋咁多時間。」他又指曾與阿聰通電話，對方心情尚可：「佢心情冇乜特別，都投入工作，事情都發生咗啦，冇辦法。（你有冇鬧佢？）冇，等佢返到香港先同佢詳細了解，喺長途電話到都交代唔到好耐。」
而阿聰的助手則透露：「三號阿聰只係透過新浪微博跟粉絲傾談，等佢完成部份工作後，大約廿幾號先返香港同大家正式交代。」