香港先生白健恩早前跟師兄張學良開迷你音樂會，獲不少好評，他們正考慮籌備下個音樂劇目：「近排娛圈有好多吸毒風波，希望可以做多啲嘢宣揚正能量訊息，其實年輕人有好多健康活動可以做，例如做健身、跳舞同打波咁。」
白健恩日前官仔骨骨出席時裝活動，由於西裝褸太細，他的健碩胸肌險些逼爆衫，吸引不少女士注目。他笑言：「今次借件衫細得滯，自己都好少着西裝，平時最鍾意着恤衫牛仔褲，畀咁多人望住都幾尷尬！」
