陳樂榣靠畫搵食告別性感
前性感組合Freeze成員陳樂榣（Alley）日前接受《娛樂onShow》主持人周吉佩專訪，轉行做畫家的她分享即將再度開畫展的興奮心情，又明言不打算走回頭路行性感！
前本地女子組合Freeze成員陳樂榣（Alley）日前擔任ontv《娛樂onShow》的嘉賓，與主持人周吉佩暢談轉型做畫家的喜悅！年前在娛圈走性感路線的Alley其實是個藝術家，曾於加拿大修讀藝術達四年半之久，去年她在港舉行畫展，今年再接再厲，與本地時裝品牌Crossover開展覽兼賣畫賺錢，她說：「我叫佢哋畀今季衫嘅布碎我，等我加入油畫裏面。」Alley玩藝術之餘亦要搵飯食，目前售出過最貴的一幅作品近三萬元：「價錢係跟Size，一幅畫細可以好似一張相咁細，大可以成幅牆咁大。」
認識貴人助事業
Alley視畫畫為終身職業，但直言曾經留下足印的娛樂圈是她的踏腳石，提高知名度之餘，更認識到不少貴人有助其畫畫事業。問到當年Freeze以性感掛帥的往事，她就說：「其實唔係咁想，當時知道要行性感有少少唔開心，自己接受唔到。（再行性感路線做性感畫畫教師？）唔會啦，我多數教小朋友同埋女仔，唔係太好，而且我其實係比較保守。」要知道投身畫家行業的Alley更多內心世界，記住收睇《娛樂onShow》！
文：專案組