譚晴爆煲落男兒淚
電台DJ兼歌手范振鋒（Ricky）為樂壇新人譚晴監製處男EP，Ricky大讚譚晴勤力態度好，給他85分，還踢爆有次錄音譚晴達唔到要求，自己未開口責罵，他已經壓力大到喊，被爆流下男兒淚的譚晴說：「自己作咗首歌《塗鴉》，初時以為自己寫一定唱到，但原來錄音同平時唱歌方式完全唔同，覺得自己蠢，唱極都唔明，頂唔順就跑咗入廁所。」
譚晴謂跟老師學唱歌後，唱功進步了很多，笑說：「監製話唔期待我技巧熟練，話我似未雕琢嘅鑽石。」對於同期新人有超級巨聲許廷鏗，譚晴說：「佢sell唱功技巧，我就高大有型，又做過model，同學都話我似阮經天。」
場地：金滿庭＠奧海城