鄭融封劉嘉玲性感icon
入行七年的鄭融可能給你率直、不介意別人看法的印象，但她就自爆其實非常怕醜，更試過因被評「經常黑面」致壓力爆煲！而經常被定位性感的她則自有一套看法，她笑言心中的性感icon就只有出爐金像影后劉嘉玲！
歌手鄭融（Stephanie）最近與星娛樂續約，並把經理人合約一併簽予星娛樂，更被老闆薛嘉麟點名力捧。以前常被評「愛情大過天」的Stephanie，本以為這個標籤對她影響最大，但事實並非如此，原來最令她困擾的是被指黑面，這個標籤更令她長期受壓！她直言：「早陣子我覺得壓力好大，成日都好緊張，長期受壓抑，但我唔知係咩令到我咁，之後同公司請咗半年假，畀自己去探索壓力來源，調整生活。」
曾輕微迷失
Stephanie謂壓力曾令她輕微迷失，她表示：「初出道時成日畀人話黑面同笑容唔夠，覺得好驚，因為呢樣嘢會影響我工作，但事實唔係咁，一出門口就好concern自己有冇畀人哋咁嘅錯覺，原來我揹咗呢樣嘢好耐但自己唔知，呢樣係我唯一緊張、在乎嘅，但依家唔會喇，明白嗰時逼得自己太緊，搞到鑽牛角尖！」
雖然Stephanie舉手投足都予人性感的感覺，但她卻自言不知自己性感在何處，而她對性感亦自有看法：「Sexy係女仔嘅自信，我覺得劉嘉玲好性感！佢係自然散發出嗰種味道，每個女性嘅性感都唔同，可以係來自自信、經歷，同埋對自己嘅肯定！」
採訪：音樂組
攝影：黃叔榮
場地：香港銅鑼灣維景酒店
髮型：Kate Shek@ Hair Culture
化妝：江中平@ A&V Make Up School
服裝：Cocktail