洪卓立爭氣80後爆髮潛能
洪卓立為證明80後擁有「講得出、做得到」能力，於電台節目中挑戰不可能任務，變身全職髮型師，由零學起，落手為客人洗頭、染髮到剪髮，蝦碌場面引發笑彈，反轉髮型屋。
英皇歌手洪卓立（Ken）參與電台節目《有冇搞錯》中《我要做得到》環節，與主持人彭詠儀（Morle）變身髮型師，以行動證明80後實力，Ken說：「依家啲人成日標籤『80後』，有人覺得80後冇上進心，淨係識得怨，亦有人認為80後比較敢言，我唔抗拒呢個標籤，會以自己嘅方式去演繹屬於我嘅80後。」
洗頭過關
要變身全職髮型師，首要學習當中技巧，更重要需要一個「客人」，Ken說：「初初諗住搵公仔試，點知佢哋個個爭住真人上陣，其中一個仲係髮型店嘅職員，我日日都上嚟整頭，真係唔怕尷尬同報復咩！」Ken與Morle在髮型師指引下進行第一項任務「洗頭」，眼見Ken做得有板有眼，第一次過水期間順利過關，豈料換上Morle操刀就即時「出事」，由洗頭變洗衫，Morle說：「佢個頭好重，一托起就聽到一聲慘叫，原來啲水直入客人背脊！」
驚揸鉸剪
接着進行「染髮」任務，Ken竟將客人髮型set成「一柱擎天」，他說：「染髮過程好好玩，最好留喺呢個部分，咁就可以避過我最驚嘅剪頭髮！」不過Ken當然難逃最後任務，拿着鉸剪的他遲遲不敢「下手」，他說：「真係好驚，剪咗就冇，雖然會生番出嚟，但都要時間架，人哋都要見人架！」幸好Ken最後亦順利過關，獲髮型師給他70分，總算有交代。
文：陳寶
場地：P.O.P. hairessing